الأطفال والصلاة

لمحات تربويه للأمهات
  الأطفال والصلاة


أهم شئ لازم نركز فيه مع أولادنا في رمضان هو 


 *الصلاة*


 *ازاي اخلي ابني يعشق الصلاة* 
انتي تعرفي العامل الرئيسي في تعلق ابنك بالصلاة هو ايه؟؟؟؟


هو *انتي الام* 


يعني ايه الكلام دا ؟؟؟؟؟
يعني علي قدر تقديرك واهتمامك بالصلاة علي قدر تعلق أبناءك بيها


 *مثلا*


افرض إن والدك أحضر لك خمس شنط مليانه هدايا جميلة وثمينة ليكي ولاولادك
 
بس اشترط عليكي انك تفتحي كل شنطه في وقت محدد من اليوم


اوصفي إحساسك وسعادتك وإحساس أولادك وتحمسهم قبل فتح كل شنطه


انتي عارفه الإحساس والتحمس دا 
أهو دا المطلوب منك بالظبط إنك توصلي الإحساس دا  لأولادك
 *وقت كل صلاة*


لازم يحسوا إنكم منتظرين صلاة العصرمثلا لأنها كنز كبير وتقوليلهم بكل فرحه وحماس تعالوا ندخل الجنة شويه ونملأ قلوبنا سعادة تعالوا ناخد كنز العصر
 وتشعريهم فعلا إنكم هاتحصلوا علي كنز الإيمان لما تصلوا وسعادة الدنيا والآخرة




وخلي بالك كل لما تهتمي بصلاة أبناءك في سنهم الصغير دا أفضل وأسهل بكتير


زي الفلاح اللي بيحط خشبة مستقيمة جنب الزرعه الصغيره علشان الزرعه تطلع مستقيمة لما تكبر


لكن لو ساب الزرعة هاتميل ولو كبرت مايله صعب إنه يرجعها تاني بعد ماشدت عودها


وفي حاجه كمان هاتساعدك كتير في موضوع الصلاة تعرفي ايه ؟؟؟


زي ماانتي مخصصه مكان للأكل 
ومكان للضيوف ومكان للعب الاولاد  ومكان ومكان....


*من الجميل إنك تخصصي مكان في بيتك  للصلاة*


هايفرق معاكي ومع أولادك كتييير جدا في الخشوع والتقرب من ربنا 
غير ماتصلي في أي مكان فالبيت وخلاص


غير انه هايزيد البركة في البيت انتي متخيله يعني إيه انك عامله مسجد لله في بيتك


وأخيرًا  ديمًا ترددي في كل صلاتك


(رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ)


آمين يارب أكرم الأكرمين

كتيركتير مهم الموضوع 
تسلمين رانو 
واصلي

نورتي يا حلوه

بارك الله فيك

الموضوع جميل جدا جدا شكرا ليكي