روشتة تحقيق الأمنيات

- هقولك كلمتين هيغيروا حياتك 180 درجة
- نفسك في حاجة بعيييييدة أوي عن ايديك!! ومش عارف توصلها ازاي ؟


 طيب أنا اقولك أنت هتوصل ازاي إن شاء الله  بـ ٩ حاجات بس تعملهم بإتقان..


1- الدعـاء بيقيـن".. 
هو الأسمنت اللي هتبني بيه السلم عشان توصل لـ حلمك..�‍�


2- الاستغفـار".. 
هو الطوب اللي هترصه واحدة فوق واحدة لحد ما توصل🧱


3- الصلاة على النبي ".. 
هي الورد اللي هتفرش بيه السلم بحيث تطلع وأنت مرتاح البال ومطمن ومش قلقان وخايف لأحسن ماتوصلش


4- الصدقات".. 
هي اللي بتديك قوة تنط درجااات كتيييير من السلم مرة واحدة بدل ما تطلعه خطوة خطوة


5- قيام الليل".. 
ده اللي ليك فيه يومياً دعوة مستجابة وربك بيتنزل فيه للسماء الدنيا يسألك عن حاجتك هل من سائل فأعطيه🥺


6- قراءة سورة البقرة" ..
دي بقى الكوووم الكبير اللي والله وعن تجربة محدش واظب عليها إلا وشاف في حياته العجب من التيسير والبركة في الرزق واستحابة الدعوات وتفريج الهموم


7- أذكار الصباح والمسـاء"..
بتشحن روحك بطاقة عالية أووي بتخلي عندك حسن ظن بالله في إن دعواتك هتستجاب وده لإنك بمجرد قراءتها بتكون في معية الله


8- الصلاة على وقتها"..
ودي اللي من الآخر لو ظبتها هتظبط حياتك ومفيش أي عمل صالح هينفعك لو مبتصليش على الوقت


9- الدعاء بظهر الغيب".. 
 وده بقى للناس اللي بتعمل ذنوب وكل شوية تقع وتقوم وحاسة إنها مكسووفة وخجلانة من ربنا إنها تطلب منه حاجة لنفسها!! لو أنت كده متخليش شيطانك يقدر عليك.. وادعي لغيرك بظهر الغيب بالدعوة اللي أنت نفسك فيها وكده كده الدعاء بظهر الغيب أسرع الدعاء استجابة وفيه ملك لم يعصي الله قط هيدعيلك بنفس دعوتك دي وتبقي ضربت مليون عصفور بحجر واحد


- امشي على الروشتة دي وعرفيها لغيرك وانشريها علي أد ما تقدر وانتظر تحقق ما تتمناه وطال انتظاره عن قريب إن شاء الله

واو 🤩 
كلمات جميله وفعلا هذا السبيل الوحيد لتحقيق الاماني 
اشكرك رانو

مفاتيح السعاده
مشكوره رنوووش مووضوع جميل كعادتك
واصلي قلبو